PR NEWS

७० लाखापेक्षा जास्त मनुष्यबळ असलेला ४० हजार कोटीचा व्यवसाय कुणाच्या भल्यासाठी !  मुंबई / रमेश औताडे  सरकारने अधिवेशनाच्या पार्श्वभूमीवर " खाजगी सुरक्षा रक्षक एजन्सी कार्यप्रणाली व निकष २०२५ "  हा नवा कायदा आणला आहे तो खाजगी ठेकेदारांसाठीच केला आहे का ? असा आरोप  सुरक्षा विभागाचे ज्येष्ठ अभ्यासक करत आहेत. या कायदात ज्या अटी शर्ती घातल्या आहेत त्या ठेकेदारांच्या बाजूनेच दिसत आहेत. त्यामुळे ७० लाखापेक्षा जास्त मनुष्यबळ असलेल्या ४० हजार कोटीच्या व्यवसायाची अवस्था " आंधळ दळतंय अन् कुत्रं पीठ खातंय " अशी झाली आहे. तरुणीवर बलात्काराचा प्रयत्न करून तिला ठार करणारा सुरक्षा रक्षक जेरबंद...  चोरी, दरोडा प्रकरणी  सुरक्षा रक्षक अटकेत.... अशा प्रकारच्या बातम्या आपण नेहमी पाहत व ऐकत असतो. मात्र घटना घडून गेली की ए रे माझ्या मागल्या अशी परिस्थिती असते. सरकारने या समस्येकडे गांभीर्याने कधी पाहिले नाही. त्यामुळे आपली सर्वांची सुरक्षा धोक्यात आली आहे. फक्त " जागते रहो " असे रात्रभर ओरडत बसले की खाजगी सुरक्षा  एजन्सी मध्ये सुरक्षा रक्षक म्हणून भरती...

    केंद्रीय मंत्री नितीन गडकरी यांचा सत्कार; "सार्थ ज्ञानेश्वरी" भेट मुंबई / रमेश औताडे  रस्ते वाहतूक आणि महामार्ग मंत्री नितीन गडकरी यांच्या मान्यतेमुळे राज्य शासनाने नुकतीच आठ रोपवे प्रकल्पांना मंजुरी दिली आहे. यामध्ये पुणे जिल्ह्यातील खेड तालुक्यातील भिमाशंकर व निमगाव खंडोबा या तीर्थक्षेत्रांचा समावेश आहे. या निर्णयाच्या अनुषंगाने भाजपा नेते अशोकराव टाव्हरे आणि ॲड. समीर गोडसे यांनी केंद्रीय मंत्री नितीन गडकरी यांचे या कामाबद्दल अभिनंदन करत त्यांना "सार्थ ज्ञानेश्वरी" भेट म्हणून प्रदान केली. भिमाशंकर आणि निमगाव खंडोबा येथे होणाऱ्या रोपवे प्रकल्पामुळे हे धार्मिक स्थळे पर्यटन केंद्र म्हणून विकसित होणार आहे. असल्याचे अशोकराव टाव्हरे यांनी सांगितले. या प्रकल्पामुळे भाविकांना या ठिकाणी ये-जा करणे सुलभ होणार आहे आणि स्थानिक अर्थव्यवस्थेलाही चालना मिळेल. तसेच, नाशिक फाटा ते राजगुरूनगर आणि वाघोली ते शिरूर या इलेव्हेटेड मार्गासाठी व तळेगाव-चाकण मार्गासाठी केंद्र आणि राज्य शासनाने निधी तरतूद केली असून लवकरच या प्रकल्पांचा कार्यारंभ होणार आहे.  ...

 गिरणी कामगारांच्या स्वप्नातील घराला महागड्या मेंटेनन्सचा तडा          अन्याय दूर करण्याची सरकारकडे केली मागणी          मागणी करताना गिरणी कामगार नेते गणेश सुपेकर  मुंबई  / रमेश औताडे  गिरणी संपानंतर संघर्षाच्या वणव्यातून आपलं हक्काचं घर मिळवण्यासाठी गिरणी कामगारांनी अनेक दशके लढा दिला. पण सरकारने दिलेलं हे स्वप्नांचं घर आता त्यांच्यासाठी आर्थिक जोखड ठरत आहे.  भरमसाट मेंटेनन्सच्या लावला आहे. असे असताना इमारतींची स्थिती दिवसेंदिवस ढासळत चालली आहे. लिफ्ट बंद पडल्यामुळे वयोवृद्ध कामगारांना पायऱ्या चढण्याची वेळ आली आहे. ड्रेनेज लाईन गळतीमुळे रोगराई पसरण्याचा धोका वाढला आहे. त्यामुळे सरकारने या गिरणी कामगारांच्या मागण्यांकडे गांभीर्याने पाहावे अशी मागणी " कोन पनवेल गिरणी कामगार संकुल एकता समिती " चे अध्यक्ष  गणेश सुपेकर , कार्याध्यक्ष डॉ. संतोष सावंत व गिरणी कामगार समिती सदस्यांनी उप मुख्यमंत्री एकनाथ शिंदे यांच्याकडे केली आहे. श्रीमंतांसाठी शहराजवळ सुविधा देणाऱ्या सरकारने आम्ह...

              अखंड हरिनाम सप्ताहाचे आयोजन मुंबई / रमेश औताडे सलग १३ व्या वर्षी श्रीराम नवमी निमित्त अखंड हरिनाम सप्ताहाचे आयोजन ठाणे मुरबाड तालुक्यातील न्हावे सासणे येथे ४ एप्रिल ते ७ एप्रिल या कालावधीत आयोजन केले आहे. हभप भाग्यश्री ताई भाग्यवंत , हभप धनाजी महाराज , हभप योगेश लांबे महाराज ,  हभप आरतीताई शिंगोळे या नामवंत किर्तनकारांची किर्तने आयोजित केली आहेत. तसेच रामविजय ग्रंथाचे पारायण हरीपाठ भजन हे  तिन दिवस चालणार आहे .या कार्यकमाचे संयोजन लोकमित्र रमेश हिंदुराव हे १३ वर्ष करीत असून या अमृत पर्वाचा सर्वांनी लाभ घ्यावा व तन मन धनाने या सप्ताहात मदत करावी असे आवाहन रमेश हिंदुराव यांनी केले आहे . या सप्ताहाचे संयोजन लोकमित्र रमेश हिंदुराव हे गेली १३ वर्षे करत असून, त्यांनी या अमृत पर्वाचा लाभ घेण्यासाठी भाविकांनी तन, मन आणि धनाने सहभागी व्हावे, असे आवाहन केले आहे. पी आर न्यूज मिडिया नेटवर्क संपादक रमेश औताडे 7021777291 .

        फूटबॉल प्लस अकॅडमीचा दौरा ३० मार्च पासून सुरु मुंबई, / रमेश औताडे  भारतातील फूटबॉल विकासात क्रांती घडवण्याच्या उद्दिष्टाने आयोजित करण्यात आलेल्या बहुप्रतिक्षित ब्राझील लिजंड्स टूरने आपल्या अधिकृत प्रतिष्ठित प्रायोजकांची घोषणा दिमाखात केली आहे. टूरबाबतचा वाढता उत्साह आणि पाठिंबा या सहयोग करारांमधून अधोरेखित होत आहे. या टूरमध्ये एक ऐतिहासिक प्रदर्शन सामना आहे तसेच चेन्नईत सर्वसमावेशक फूटबॉल परिषदही घेतली जाणार आहे.  फूटबॉल प्लस अकॅडमीने आयोजित केलेल्या या टूरची सुरुवात ३० मार्च, २०२५ रोजी जवाहरलाल नेहरू स्टेडियमवर खेळल्या जाणाऱ्या एका नेत्रदीपक प्रदर्शन सामन्याने होणार आहे. रोनाल्डिन्हो, रिवाल्डो, ल्युशिओ, गिल्बेर्टो सिल्वा यांसारख्या ब्राझिलियन लिजंड्सचा सामना इंडियन ऑल स्टार्स आयएम विजयन, मेहताब होसेन, करनजित सिंग आदींशी होणार आहे. या सामन्यानंतर ३१ मार्च व १ एप्रिल, २०२५ रोजी दोन दिवसांची फूटबॉल परिषद होणार आहे. या परिषदेत कार्यशाळा, चर्चा आणि फिफा वर्ल्ड कप विजेत्यांसोबत संवाद होणार आहे. प्रतिष्ठित प्रायोजकां मध्ये स्ट्रीमिंग पार्टनर-फ...

मुंबई / रमेश औताडे  शेतीच्या मालकीहक्कात अडथळा आणणाऱ्या मयत खातेदारांच्या नावांची ७/१२ उताऱ्यावरून नोंद कमी करण्यासाठी मोठा निर्णय! महसूलमंत्री चंद्रशेखर बावनकुळे यांच्या मार्गदर्शनाखाली १ एप्रिलपासून संपूर्ण महाराष्ट्रात ‘जिवंत सातबारा मोहीम’ राबवली जाणार आहे! या निर्णयामुळे काय फायदा होणार? ✅ सातबाऱ्यावर वारसांची अधिकृत नोंदणी होईल. ✅ खरेदी-विक्री व्यवहारात येणारे अडथळे दूर होतील. ✅ शेतीविषयक कर्ज मिळवणे सोपे होईल. ✅ वारसांमध्ये मालकीहक्कासंदर्भातील कायदेशीर वाद टाळता येतील. महत्त्वाच्या तारखा: 📌 १ ते ५ एप्रिल – तलाठी गावनिहाय मयत खातेदारांची यादी तयार करून चावडी वाचन करतील. 📌 ६ ते २० एप्रिल – वारसांना आवश्यक कागदपत्रांसह अर्ज सादर करण्याची संधी. 📌 २१ एप्रिल ते १० मे – ई-फेरफार प्रणालीद्वारे सातबाऱ्यावर वारसांची अधिकृत nondani केली जाईल. अर्ज करताना आवश्यक कागदपत्रे:* ✔ मृत्यू दाखला ✔ वारस प्रमाणपत्र किंवा स्वयंघोषणा प्रतिज्ञापत्र ✔ पोलिस पाटील, सरपंच किंवा ग्रामसेवक यांचा दाखला ✔ सर्व वारसांची माहिती (नाव, वय, पत्ता, मोबाईल क्रमांक) ✔ रहिवासी पुरावा *संपूर्ण प्रक्...

माजी मुख्यमंत्र्यांच्या कार्यालयातील मंजूर फाईल्स घोटाळा .....सखोल चौकशी करण्याची अरुण निटुरे यांची मागणी मुंबई / रमेश औताडे  राष्ट्रीय किसान बहुजन पक्षाचे राष्ट्रीय अध्यक्ष अरुण निटुरे यांनी पत्रकारांशी संवाद साधताना दावा केला की, एका माजी मुख्यमंत्र्यांच्या संबंधित विभाकडून मंजूर फाईल्स प्रकरणात मोठ्या प्रमाणात आर्थिक गैरव्यवहार झाला आहे. या गैरव्यवहारात माजी मुख्यमंत्री कार्यालयातील संबंधित अधिकारी गुंतले आहेत. या प्रकरणी सखोल चौकशी करण्यात यावी अशी मागणी केली आहे. निटुरे यांनी सांगितले की, अनेक प्रकरणांमध्ये मंजूर फाइल्स नियमानुसार मंजूर केल्या गेल्या, मात्र संबंधित लाभार्थ्यांना निधी मिळालाच नाही. त्यामुळे कोट्यवधी रुपयांचा अपहार झाला आहे. हे प्रकरण गंभीर असून, त्याची चौकशी करण्याची मागणी त्यांनी केली आहे. ते म्हणाले की, "यामध्ये संबंधित विभागांचे अधिकार हस्तांतर, मंजूर फाइल्सचे अन्वेषण, मंत्री स्तरावरील फाइल्सचे परीक्षण आणि ईडी (ED) द्वारे चौकशी करणे आवश्यक आहे." तरच संपूर्ण सत्य समोर येईल आणि महाराष्ट्रात ईमानदारी आणि पारदर्शकता प्रस्थापित होईल,...

        मेघमल्हार संकुलात स्वच्छता अभियान उत्साहात पूर्ण रमेश औताडे / नवी मुंबई  ‘आपले संकुल, आपला परिसर, आपली जबाबदारी’ या संकल्पनेतून मेघमल्हार संकुलात 21 ते 23 मार्च 2025 दरम्यान भव्य स्वच्छता मोहिम राबवण्यात आली. संकुलातील विविध सोसायट्यांचे रहिवासी, सामाजिक कार्यकर्ते व स्थानिक नागरिकांनी उत्स्फूर्त सहभाग नोंदवून परिसर स्वच्छतेसाठी महत्वपूर्ण योगदान दिले. या अभियानात कचरा संकलन, गार्डन स्वच्छता आणि सार्वजनिक ठिकाणी स्वच्छतेची काळजी घेण्यावर भर देण्यात आला. या उपक्रमात संकुलाच्या नागरिकांनी स्वच्छतेबाबत जागरूकता निर्माण करण्याचे कार्य केले. मेघमल्हार सोसायटीचे अध्यक्ष अंकुश नाईक, कार्यकारी सदस्य व स्थानिक रहिवाशांनी एकत्र येऊन स्वच्छतेच्या मोहिमेला दिशा दिली. या अभियानामुळे परिसर अधिक स्वच्छ आणि सुंदर होण्यास मदत झाली असून, भविष्यातही अशा उपक्रमांद्वारे नागरिकांनी एकत्रितपणे योगदान देण्याचे आवाहन करण्यात आले आहे. हा उपक्रम परिसरातील स्वच्छतेसाठी प्रेरणादायी ठरणार आहे.

       बदललेल्या जीवनशैलीमुळे आतड्याच्या कर्करोगात वाढ मुंबई / रमेश औताडे  धावपळीच्या व ताणतणावाच्या आयुष्यात बदललेली जीवनशैली व आहारातील बदल, व्यायामाचा अभाव, तंबाखू आणि मद्य सेवन, अनियमित झोप, लठ्ठपणा आणि मधुमेह, या सर्व कारणामुळे आतड्याच्या कर्करोगात वाढ होत आहे. वेळीच लक्ष दिले नाही तर हे प्रमाण अजून वाढत जाईल असे वास्तव समोर आले आहे. फायबर कमी आणि प्रोसेस्ड फूड, रेड मीट, जंक फूड यांचे प्रमाण वाढले असल्याने व आहारात भाज्या, फळे, आणि तंतुमय पदार्थ नसल्यामुळे पचनसंस्था कमकुवत होते आहे. त्यामुळे आतड्यांवर ताण येतो. नियमित शारीरिक हालचाल नसल्याने स्थूलता आणि शारीरिक निष्क्रियता आल्याने आतड्यांमध्ये घाण साचून आतड्याचा कर्करोग होण्याचा धोका वाढत आहे.  दिनचर्या व आपली आधुनिक जीवनशैली सुधारत , आहारात भरपूर फायबर, फळे, भाज्या, आणि संपूर्ण धान्यांचा समावेश करावा. व्यायामाची सवय लावावी आणि लठ्ठपणा नियंत्रित ठेवावा. तंबाखू, मद्य आणि जंक फूड टाळावे. वेळच्या वेळी तपासणी करावी. असे डॉ. पुरुषोत्तम  वशिष्ठ यांनी  " कर्करोग आतड्याचा " या अपोलो हॉस्प...

    महाराष्ट्रातील लॉटरी व्यवसाय सरकारने जिवंत ठेवला       आता पुढची भूमिका व उपाययोजना ठरवण्याची वेळ     महाराष्ट्र राज्य लॉटरी विक्रेता या अधिकृत संघटनेचे संस्थापक                              अध्यक्ष लॉटरी विक्रेत्यांचा                  हक्काचा दोस्त  विलास कृ. सातार्डेकर मुंबई / रमेश औताडे  लॉटरी व्यवसाय बंद पडू नये यासाठी लॉटरी व्यवसाय व विक्रेते व सरकार यांच्यातील दुवा म्हणून काम करणारे महाराष्ट्र राज्य लॉटरी विक्रेता या अधिकृत संघटनेचे संस्थापक अध्यक्ष लॉटरी विक्रेत्यांचा हक्काचा दोस्त  विलास कृ. सातार्डेकर यांनी सरकारकडे पाठपुरावा करून सरकारला लॉटरी बंदीचा निर्णय मागे घेण्यास भाग पडले. अधिवेशनात सरकारने याबाबत लॉटरी विक्रेते यांच्या बाबत घेतलेल्या भूमिकेबाबत राज्यभरातून विलास कृ. सातार्डेकर यांचे अभिनंदन करण्यात आले. महाराष्ट्र सरकारने नुकताच लॉटरी बंदीचा निर्...

देवस्थान इनाम जमिनीबाबतच्या समितीत किसान सभेच्या प्रतिनिधीचा समावेश करा - काॅ. उमेश देशमुख मुंबई / रमेश औताडे    मंत्रालय प्रतिनिधी देवस्थान इनाम वर्ग ३ च्या जमिनी खालसा कराव्यात या मागणीकरता किसान सभेच्या वतीने आम्ही गेल्या १५ वर्षापासून आंदोलन करीत आहोत. २९-३० मार्च २०१६ ला आम्ही किसान सभेच्या वतीने डाॅ. अशोक ढवळे, काॅ. जे. पी. गावीत, डाॅ. अजित नवले यांच्या नेतृत्वाखाली नाशिक येथे ५० हजार शेतकऱ्यांचे महामुक्काम आंदोलन केले होते.  त्यावेळी तत्कालीन मुख्यमंत्री या नात्याने आपल्यासोबत देवस्थान इनाम जमीन आणि इतर प्रश्नावर चर्चा झाली होती. त्या चर्चेदरम्यान सहा महिन्यात कायदा करण्याचे आश्वासन आपण दिले होते, आणि या जमिनीबाबत अभ्यास करण्याकरिता महसुल विभागाचे प्रधान सचिव यांची एकसदस्यीय समिती नेमण्याची घोषणा केली होती. त्यावेळी आमच्या शिष्टमंडळाने त्या समितीत किसान सभेच्या प्रतिनिधीला समाविष्ट करून घ्यावे अशी मागणी केली होती.  त्यावेळी आपण तांत्रिक कारण देत ही मागणी मान्य केली नाही. परिणामी आज अखेर या समितीची फक्त एक बैठक झाल्याचे मा. महसुल मंत्र्यानी सभागृहात...

        दलालांच्या विरोधात  राष्ट्रवादी युवक काँग्रेस आक्रमक मुंबई / रमेश औताडे  कुर्ला तहसील कार्यालयातील दलालांची मनमानी, सामान्य नागरिकांची अडवणूक व प्रशासनाची दुर्लक्ष याच्या विरोधात राष्ट्रवादी युवक काँग्रेसच्या वतीने आज कुर्ला तहसीलदार दिलीप रायनावार यांना घेराव घालण्यात आला. राष्ट्रवादी युवक काँग्रेसचे मुंबई अध्यक्ष ॲड. अमोल मातेले व मुंबई जिल्हाध्यक्ष कैलास कुशेर यांच्या नेतृत्वाखाली हे घेराव आंदोलन करण्यात आले. तहसील कार्यालयात अधिवास प्रमाणपत्र, उत्पन्नाचा दाखला, वारस तपास इत्यादी दाखले मिळवण्यासाठी सामान्य नागरिकांना विनाकारण हेलपाटे मारावे लागतात. मात्र दलालांच्या माध्यमातून हीच कामे दोन दिवसांत कशी काय होतात ? याबाबत प्रश्न उपस्थित करत ॲड. अमोल मातेले यांनी प्रशासनाला धारेवर घेतले. अवघ्या ४० रुपयांत मिळणाऱ्या प्रमाणपत्रासाठी जाणूनबुजून त्रुटी दाखवून अर्जदारांना जास्त रक्कम मागत त्रास दिला जातो. "नेटवर्क नाही, वीज नाही, वरिष्ठांचे आदेश" अशा कारणांवर नागरिकांना परत पाठवले जाते. मात्र दलालांच्या माध्यमातून कोणतीही अडचण येत नाही. हे सर्...

महिलांमधील सुप्त गुणांना वाव देण्यासाठी विविध कार्यक्रमाचे आयोजन  मुंबई / रमेश औताडे  मुंबईत कांदिवली पश्चिम  चारकोप येथील  माथाडी कामगारांसाठी वसलेल्या  सह्याद्री नगर येथे सांस्कृतिक वैभवात भर घालण्यासाठी महिलांमधील सुप्त गुणांना वाव देण्याच्या उद्देशाने दरवर्षी दि सह्याद्रि सहकारी बँक लि. मुंबई आणि कापड बाजार कामगार सहकारी सेवा सोसायटी लिमिटेड मुंबई यांच्या वतीने महिलांसाठी भव्य हळदी कुंकू समारंभ व सौभाग्याचे लेणे ,महिलांसाठी होम मिनिस्टर खेळ पैठणी चा कार्यक्रमाचे आयोजन करण्यात आले होते   त्यामुळे घरकामात राबणारे महिलांचे हात आज ‘होम मिनिस्टर’ खेळण्यात रंगले होते. विविध स्पर्धा, डान्स आदींच्या माध्यमातून रंगलेल्या या सोहळ्यात अर्चना भोईटे यांनी बाजी मारत महाविजेत्या ठरल्या. जागतिक महिला दिनाचे औचित्य साधत महिलांना कार्यक्रमाचा आनंद लुटता यावा यासाठी  शनिवारी २२ मार्च २०२५ रोजी सायंकाळी ६ ते १० या वेळेत गणेश मंदिर सह्याद्री नगर चारकोप येथे ‘होम मिनिस्टर’ खेळ खेळुया पैठणीचा हा कार्यक्रम आयोजित केला होता.  यावेळी संस्थेतर्फे महिला ...

MindOverMatter.help: जागरूकता आणि कृतीद्वारे किशोरवयीन मानसिक आरोग्य सक्षम करणे मुंबई / रमेश औताडे   किशोरवयीन मानसिक आरोग्य आव्हाने वाढत असताना, MindOverMatter.help हे समर्थन आणि सक्षमीकरणाचे एक दीपस्तंभ म्हणून उभे आहे. मार्च २०२२ मध्ये तीन १६ वर्षांच्या मुलींनी - आलिया शेट्टी ओझा - ज्मनाभाई नर्सी इंटरनेशनल स्कूल , अगस्त्या गोराडिया - धीरूभाई अंबानी इंटरनेशनल स्कूल आणि फिया इनामदार - कोडईकनाल इंटरनेशनल स्कूल, यांनी स्थापन केले . हे युवा नेतृत्वाखालील उपक्रम जागरूकता वाढवण्यासाठी, खुल्या संभाषणांना चालना देण्यासाठी आणि मानसिक आरोग्य संघर्षात असलेल्या तरुणांसाठी महत्त्वपूर्ण संसाधने प्रदान करण्यासाठी समर्पित आहे. या तिघांचा प्रवास कोविड-१९ च्या पार्श्वभूमीवर सुरू झाला, कारण त्यांनी शैक्षणिक दबाव, सामाजिक आव्हाने आणि ऑनलाइन आणि वास्तविक जीवनातील अस्पष्ट सीमांशी झुंजणाऱ्या समवयस्कांना पाहिले. अनेक किशोरवयीन मुलांना त्यांच्या पालकांशी बोलण्यासाठी संघर्ष करावा लागला, तर काहींना महिन्यांच्या मर्यादित सामाजिक संवादानंतर गुंडगिरी आणि बॉडी शेमिंगचा सामना करावा लागला. फरक घड...

*महाराष्ट्र राज्य 2005 पूर्वी अंशतः/ टप्पा शिक्षक - शिक्षकेतर कर्मचारी संघटनेचे आणि अन्नत्याग साखळी उपोषण आंदोलन यशस्वी.*  सोमवार दिनांक 17/3/2025 सकाळी संकष्टी असल्याने श्रीगणेशाची आरतीने आंदोलनास सुरुवात केली. सुरुवातीला कमी असणारे संख्या दुपारनंतर वाढत गेली. सेवानिवृत्त बांधव आदरणीय काकासाहेब कोल्हे यांच्या नेतृत्वाखाली मोठ्या संख्येने उपस्थित होते. सुरुवातीलाच डेलिगेशन माननीय मुख्यमंत्री आणि दोन्ही उपमुख्यमंत्री यांच्यासोबत व्हावे असा संघटनेचा हट्ट होता पण तिघे  मंत्री महोदय व्यस्त असल्यामुळे त्यांची भेट होऊ शकली नाही.        मंगळवार दिनांक 18/3/2025 रोजी सकाळी आंदोलनाला दहा वाजता सुरुवात झाली. दहा वाजताच मंडप भरून गेला होता. दुपारनंतर मा. शिक्षण मंत्री दादा भुसे साहेब यांच्यासोबत डेलिगेशन साठी बोलवण्यात आलं. सदर बैठकीसाठी  प्रा. विजय शिरोळकर,  प्रा. योगेश्वर निकम,  प्रा. संपत कदम, मा.भास्कर देशमुख आणि मा. काकासाहेब कोल्हे  सहभागी झाले होते. सुरुवातीलाच मा. शिक्षण मंत्री यांनी यूपीएस/ एनपीएस स्वीकार करावा म्हणून आग्रह केल...

निविदा प्रक्रियेत अनियमितता: मुख्यमंत्र्यांचे पालिका आयुक्तांना तात्काळ कारवाईचे आदेश मुंबई / रमेश औताडे दक्षिण मुंबईतील हिंदमाता परिसरातील पावसाळी पाण्याचा निचरा करण्यासाठी मुंबई महानगरपालिकेच्या (BMC) पावसाळी पाण्याचा निचरा विभागाने मागवलेल्या निविदा प्रक्रियेत गंभीर अनियमितता झाल्याचे समोर आले आहे. या प्रकाराची तात्काळ दखल घेत मुख्यमंत्री देवेंद्र फडणवीस यांनी महापालिका आयुक्त भूषण गगराणी यांना चौकशी करून दोषींवर कारवाई करण्याचे स्पष्ट आदेश दिले आहेत. दरवर्षी हिंदमाता आणि मडकेबुवा चौक परिसरात पावसाळ्यात साचणारे पाणी काढण्यासाठी पंप बसवण्याची प्रक्रिया राबवली जाते. यासाठी महापालिकेच्या ड्रेनेज विभागामार्फत निविदा मागवल्या जातात. मात्र, यावर्षीच्या निविदा प्रक्रियेत मानक निविदा कागदपत्रे (SBD) नियमांचे उल्लंघन झाल्याचे उघडकीस आले आहे. निविदा अटींमध्ये आर्थिक निकषांव्यतिरिक्त, विशिष्ट पंप क्षमतेचे निकष घालण्यात आले होते, ज्यामुळे केवळ काही ठरावीक कंत्राटदारांनाच संधी मिळाली. तसेच, सहभागी होणाऱ्या कंपन्यांसाठी किमान १० वर्षांचा अनुभव आवश्यक असल्याची अट घालण्यात आली होती. या ...

पनवेल स्थानक परिसरात अतिक्रमण हटवण्याच्या कारवाईला विरोध मुंबई / रमेश औताडे पनवेल स्थानकाजवळ एका स्थानिक गावगुंडाने बेकायदेशीरपणे दुकाने थाटून सार्वजनिक जागेवर अतिक्रमण केले होते. पनवेल महानगरपालिकेच्या अतिक्रमण विभागाला याची माहिती मिळताच, संबंधित अधिकाऱ्यांनी त्वरित कारवाईसाठी पथक पाठवले.  अतिक्रमण हटवण्याची कारवाई सुरू होताच, संबंधित गावगुंडाने अधिकाऱ्यांना आडवले. प्रशासनाची अधिकृत कारवाई रोखण्याचा प्रयत्न करत त्याने गैरवर्तन केले. त्याच्या या वर्तनामुळे काही काळ तणावपूर्ण परिस्थिती निर्माण झाली. घटनेची गंभीर दखल घेत, पनवेल महापालिकेने तातडीने अतिरिक्त सुरक्षा व्यवस्था बोलावून, अधिकाऱ्यांच्या मार्गदर्शनाखाली अतिक्रमण हटवण्याची तातडीची कारवाई सुरूच ठेवली. अखेर संबंधित दुकाने हटवून सार्वजनिक जागा मोकळी करण्यात आली. या घटनेनंतर, पनवेल महानगरपालिकेच्या अधिकाऱ्यांनी संबंधित गावगुंडाविरुद्ध स्थानिक पोलीस ठाण्यात तक्रार दाखल करणार असल्याचे सांगितले. सरकारी कामात अडथळा आणल्याबद्दल त्याच्यावर भारतीय दंड संहितेच्या संबंधित कलमांतर्गत गुन्हा दाखल होण्याची शक्यता आहे...