अंगणवाडी कर्मचारी व अंगणवाडी आहार पुरवठादार महिला बचत गटांचे आझाद मैदानावर तीव्र आंदोलन
मुंबई / रमेश औताडे इस्कॉनचे सेंट्रल किचन रद्द करा! स्थानिक महिलांचा रोजगार वाचवा! अंगणवाडी कर्मचाऱ्यांना तुटपुंजी भाऊबीज नको, भरीव बोनस द्या! अंगणवाडी कर्मचाऱ्यांना पूर्ण प्रोत्साहन भत्ता द्या! आझाद मैदानावरील आंदोलनातून सरकारला इशारा* अंगणवाडी कर्मचारी व महिला बचत गटांच्या प्रश्नांवर सिटूच्या नेतृत्वाखाली राज्यव्यापी लढा उभारणार! मुंबई : २७ ऑक्टोबर २०२६ महाराष्ट्रातील शालेय पोषण आहार व अंगणवाडी आहाराचे काम वर्षानुवर्षे करणाऱ्या स्थानिक महिला बचत गट व महिला संस्थांना डावलून इस्कॉनला आहार पुरवठ्याचे काम देण्याच्या राज्य सरकारच्या निर्णयाविरोधात आज मुंबईतील आझाद मैदानावर तीव्र आंदोलन करण्यात आले. या निर्णयामुळे हजारो महिला बचत गट, स्वयंपाकी, मदतनीस आणि स्थानिक महिला संस्थांच्या रोजगारावर संकट निर्माण झाले असून, सरकारने हा निर्णय तातडीने रद्द करावा, अशी जोरदार मागणी आंदोलनातून करण्यात आली. ही अंगणवाडी आहार पुरवठादार संघटना (CITU) व अंगणवाडी कर्मचारी संघटना यांच्या वतीने आयोजित या आंदोलनात नागपूर, वर्धा, मुंबई आणि यवतमाळ येथील महिला बचत गटांच्या प्रतिनिधींनी सह...
