प्रकाश खंडागळे यांचा शेकडो कार्यकर्त्यांसह रामदास आठवले यांच्या पार्टीत प्रवेश

मुंबई / रमेश औताडे 

पी आर न्यूज मिडिया नेटवर्क 

केंद्रीय सामाजिक न्याय राज्यमंत्री रामदास आठवले यांच्या उपस्थितीत, रिपब्लिकन सेनेचे मुंबई प्रदेशाध्यक्ष प्रकाश खंडागळे यांनी आपल्या शेकडो कार्यकर्त्यांसह औपचारिकपणे पक्षात प्रवेश केला. रामदास आठवले यांच्या नेतृत्वाखाली राज्यात पक्षाला वाढता पाठिंबा मिळत असून, याचे स्पष्ट उदाहरण काल ​​दिसून आले. 

मुंबई मराठी पत्रकार संघात आयोजित पत्रकार परिषदेत रिपब्लिकन सेनेचे मुंबई प्रदेशाध्यक्ष प्रकाश खंडगळे यांनी आपल्या शेकडो कार्यकर्त्यांसह औपचारिकपणे पक्षात प्रवेश केला. याप्रसंगी केंद्रीय सामाजिक न्याय राज्यमंत्री रामदास आठवले यांनी राज्यातील गटबाजी संपवून एकसंध रिपब्लिकन पक्ष स्थापन करण्याचे आवाहन केले. ते म्हणाले की, महाराष्ट्रात अनेक गट असले तरी देशातील २८ राज्ये आणि ८ केंद्रशासित प्रदेशांमध्ये एकच रिपब्लिकन पक्ष आहे.

त्यामुळे नवीन गट तयार करण्याऐवजी सर्वांनी एकत्र यावे. त्यांच्या या आवाहनाला समाजात चांगला प्रतिसाद मिळत असल्याचेही त्यांनी सांगितले. प्रकाश खंडगळे यांनीही आठवले यांच्या नेतृत्वावर विश्वास व्यक्त केला आणि वेगवेगळे गट तयार करण्याऐवजी एकसंध पक्ष असावा असे म्हटले. एक मजबूत आणि एकसंध पक्ष बांधणे महत्त्वाचे आहे. आठवले यांनी त्यांच्या प्रवेशावेळी त्यांचे स्वागत केले. यावेळी आठवले यांनी महिला आरक्षण विधेयकाला विरोध करणाऱ्यांवर टीका करत विविध राजकीय मुद्द्यांवर भाष्य केले आणि महिलांना राष्ट्रीय लोकशाही आघाडीला (एनडीए) पाठिंबा देण्याचे आवाहन केले.

या कार्यक्रमास सिद्धार्थ कासारे, अविनाश महातेकर, गौतम सोनवणे, बाळासाहेब गरुड, विवेक पवार यांच्यासह अनेक ज्येष्ठ कार्यकर्ते व अधिकारी उपस्थित होते.