आंबेडकरी रिपब्लिकन मोर्चाचे राष्ट्रीय अध्यक्ष नारायण बागडे यांचा रेल्वे स्थानकात अनपेक्षित सत्कार

मुंबई / रमेश औताडे 

कसारा रेल्वे स्थानकावर केवळ चहा घेण्यासाठी थांबले असताना आंबेडकरी रिपब्लिकन मोर्चाचे राष्ट्रीय अध्यक्ष अध्यक्ष नारायण बागडे यांचा कार्यकर्त्यांनी अनपेक्षित व उत्स्फूर्त सत्कार केल्याचा प्रसंग घडला. विशेष म्हणजे, कोणतीही पूर्वसूचना नसताना स्थानिक कार्यकर्त्यांना त्यांच्या उपस्थितीची माहिती कशी मिळाली, याचेच सर्वांना आश्चर्य वाटले.

बागडे स्थानकावर उभे असल्याची खबर लागताच कार्यकर्त्यांची धावपळ सुरू झाली. काही क्षणांतच हार, तुरे आणि शाल घेऊन कार्यकर्ते स्थानकावर दाखल झाले. सत्काराची घाई असल्याने एका कार्यकर्त्याने गाडी सुटू नये म्हणून साखळी ओढून ठेवली. त्यानंतर  यांच्या गळ्यात पुष्पहार घालून व शाल देऊन त्यांचा जाहीर सत्कार करण्यात आला.

अचानक घडलेल्या या प्रसंगाने स्थानकावरील प्रवासीही क्षणभर थबकले. कार्यकर्त्यांचे प्रेम, आपुलकी आणि संघटनेप्रती असलेली निष्ठा या क्षणातून स्पष्टपणे दिसून आली, असे बागडे यांनी यावेळी भावना व्यक्त करताना सांगितले. हा संपूर्ण प्रसंग उपस्थितांनी पाहिलेला एक अविस्मरणीय क्षण ठरला.