PR NEWS

जागतिक अकाली प्रसुती दिनासाठी जनजागृती मुंबई / रमेश औताडे  अकाली प्रसुती विषयी जागरूकता वाढवणे, नवजात बालकांची काळजी कशी घ्यावी आणि त्यांच्या कुटुंबांना योग्य ती माहिती मिळावी यासाठी जागतिक अकाली प्रसुती दिनाच्या पार्श्वभूमीवर मेडीकवर हॉस्पिटलने विशेष कार्यक्रमांचे आयोजन केले होते. गर्भधारणेच्या ३७ आठवड्यांपूर्वी जन्मलेल्या बाळांना जन्मापासूनच अनेक आव्हानांचा सामना करावा लागतो. या लहान बालकांना रेस्पिरेटरी सिंड्रोम, इंट्राव्हेंट्रिक्युलर ब्लीडींग, नेक्रोटाइझिंग एन्टरोकोलायटिस आणि दिर्घकालीन विकासाच्या समस्यांसह इतर गुंतागुंतीचा धोका असतो. यासाठी योग्य माहिती मिळावी यासाठी  "बेबी फूट प्रिंट ऑफ करेज" चे अनावरण यावेळी केले. अकाली जन्माचे गंभीर स्वरूप ओळखून या लहान बालकांचा सन्मान करण्यासाठी हा उपक्रम खूप चांगला आहे असे हॉस्पिटलचे डॉ तनमेश कुमार साहू यांनी सांगितले.  यावेळी डॉ कल्पना गुप्ता म्हणाल्या,  जागतिक प्रीमॅच्युरिटी डे आमच्यासाठी मुदतपूर्व बाळांची आणि त्यांच्या कुटुंबियांच्या यशस्वी लढाईचे कौतुक करण्याची संधी आहे. रुग्णालयाचे नवजात अतिदक्षता विभाग अत्...

राज्यात महायुतीची सत्ता येणार नाथाभाऊ शेवाळे मुंबई / रमेश औताडे  महाराष्ट्र विधानसभा निवडणुकीच्या पार्श्वभूमीवर जनता दल सेक्युलर पक्षाचे प्रदेशाध्यक्ष नाथाभाऊ शेवाळे यांनी राज्यव्यापी दौरा केला. १६ जिल्ह्यातील ३५ मतदार संघाच्या दौऱ्यात त्यांनी मतदारसंघातील पदाधिकारी, कार्यकर्ते, मतदार, यांच्या बैठका, संवाद, सभा, तसेच पत्रकार परिषद घेत कल जाणून घेतला असता राज्यात महायुतीची सत्ता येणार असल्याची माहिती नाथाभाऊ शेवाळे यांनी पत्रकार परिषदेत दिली. सरकारने राज्यात राबविलेल्या लाडकी बहीण योजना, शेतकऱ्यांना विज बिल माफी, सुशिक्षित तरुणांना रोजगार, परदेशी शिष्यवृत्ती शिक्षण योजना, वृद्ध पेन्शन योजना, मुख्यमंत्री सहायता निधी, आरोग्य योजना, अशा विविध योजनांमुळे महायुतीच्या सरकारबद्दल जनतेमध्ये सहानुभूतीचे वातावरण असल्याचे शेवाळे यांनी सांगितले. माजी पंतप्रधान व पक्षाचे राष्ट्रीय अध्यक्ष एच. डी. देवेगौडा यांच्या आदेशाचे पालन करून महायुतीच्या उमेदवारांना विजयी करण्यासाठी प्रयत्न करावे असे आवाहन शेवाळे यांनी केले आहे. प्रदेश कार्याध्यक्ष सुरेंद्रकुमार वाजपेयी, मुंबई शहराध्यक्ष प्रभाकर...

उद्योग व्यवसायवाढीसाठी जागतिक परिषद मुंबई / रमेश औताडे  जागतिक स्तरावर उद्योगासाठी सहयोग, व्यावसायिक ज्ञानाची देवाणघेवाण आणि आर्थिक विकास वाढविण्यासाठी तसेच उद्योजक घडविण्यासाठी लोहाना इंटरनॅशनल बिझनेस फोरम ( LIBF) ने एक व्यासपीठ उपलब्ध केले असल्याची माहिती रविन ग्रुप ऑफ कंपनीजचे अध्यक्ष आणि व्यवस्थापकीय संचालक विजय कारिया यांनी पत्रकार परिषदेत दिली. गल्फ देशांमध्ये (कुवैत, ओमान, कतार, सौदी अरेबिया, संयुक्त अरब अमिराती) व्यवसायाचा विस्तार करणे हे LIBF फोरमचे लक्ष आहे. २०२५ मध्ये दुबई येथे होणाऱ्या आगामी युरो एक्झिम बँक LIBF जी सी सी कॉलिंग २०२५ शिखर परिषदेची उद्दिष्टे आणि दृष्टीकोन याबाबत सतीश भाई विठलानी, अध्यक्ष आणि व्यवस्थापकीय संचालक, कृपा चॅटन मॅन्युफॅक्चरिंग कंपनी प्रायव्हेट लिमिटेड यांनी माहिती दिली. युगांडातील फोरम च्या एका उद्घाटन कार्यक्रमात ३४ देशांतील ९५० हून अधिक प्रतिनिधी आले होते. परिणामी ३६ एम ओ यू आणि महत्त्वपूर्ण क्रॉस-बॉर्डर व्यवसाय झाले. गांधीनगरमधील आमच्या दुसऱ्या कार्यक्रमाने १२ हजाराहून अधिक उपस्थितांना आकर्षित केले, ज्यामुळे जागतिक व्यावसायिक संप...

२०२८ पर्यंत पिकलबॉलचे एक दशलक्ष सक्रिय खेळाडू  होतील  मुंबई / रमेश औताडे  ८४ देशांमधील ५ दशलक्षाहून अधिक खेळाडू आणि उल्लेखनीय ४० टक्के महिला सहभागासह  पिकलबॉलची लोकप्रियता वाढत आहे. भारतात गेल्या तीन वर्षांत या खेळात सक्रिय खेळाडूंमध्ये २७५ टक्के वाढ झाली असून २०२८ पर्यंत एक दशलक्ष सक्रिय खेळाडू होतील असा अंदाज आहे.  २३ राज्यांमधील स्पर्धा, हजारो विद्यार्थ्यांना या खेळाची ओळख करून देणे आणि राष्ट्रीय आणि आंतरराष्ट्रीय आव्हाने पेलण्यासाठी तयार असलेल्या खेळाडूंची नवीन पिढी विकसित करणे हा उद्देश बींगो च्या प्रायोजकत्वाने महाविद्यालयात करण्यात येणार आहे. बिंगो लोकप्रिय करण्यासाठी ऑल इंडिया पिकलबॉल असोसिएशनशी हातमिळवणी करण्याचा एक करार नुकताच एका पत्रकार परिषदेत झाला. असोसिएशन बद्दल बोलताना सुरेश चंद विपणन स्नॅक्स, नूडल्स आणि पास्ता, आयटीसी फूड्सचे प्रमुख, म्हणाले, बिंगोमध्ये आमचा नेहमीच विश्वास आहे की खेळ आणि नावीन्य हे एकमेकांशी जोडले आहेत.  ज्यामुळे ही भागीदारी अखिल भारतीय पिकलबॉल असोसिएशन हा आमच्यासाठी एक विशेष प्रतिष्ठेचा क्षण आहे. ज्यामुळे आम्हा...

दलित पँथर चा राहुल नार्वेकर यांना पाठिंबा  मुंबई / रमेश औताडे  महाराष्ट्रात विधानसभेच्या निवडणुकीचे वादळ रणधुमाळी सुरु झाली आहे. राज्यातील राजकीय, सामाजिक परिस्थिती पाहता दलित पँथर या सामाजिक संघटनेने कुलाबा विधानसभेचे उमेदवार राहुल नार्वेकर यांना पाठिंबा देण्याचा निर्णय सर्वानुमते घेतला आहे. कुलाबा विभागातील दलित पँथर संघटनेचे युवा राष्ट्रीय अध्यक्ष आणि मुंबई प्रदेश अध्यक्ष (बेसिक) प्रताप रावत आणि राष्ट्रीय महा सचिव व महाराष्ट्र प्रवक्ता (बेसिक) अर्जुन सिंग यांनी त्याबाबतचा अधिकृत निर्णय नुकताच जाहिर केला आहे. संघटनेचे राष्ट्रीय अध्यक्ष यशवंत भाऊ नडगम यांनी प्रताप रावत आणि अर्जुन सिंग यांना आदेश दिले आहेत की, विधानसभेतील निवडणुकीमध्ये मोठया प्रमाणात पूर्णतः पाठिंबा राहूल नार्वेकर यांना देण्यात यावा. त्याप्रमाणे विधानसभा निवडणूकीत  संघटनेचा जाहीर पाठिंबा भारतीय जनता पक्षाचे अधिकृत उमेदवार राहूलजी नार्वेकर यांनी घोषित करण्यात येत आहे.  स्थानिक आमदार राहिल्यापासूनच नार्वेकर यांचे दलित पँथरशी चांगले संबंध राहिले आहेत. राजकीय भूमिका वेगवेगळ्या असल्या तरी सामा...

भारतातील नाविक कामगारांचा एकता दिन संपन्न मुंबई / रमेश औताडे  नॅशनल युनियन ऑफ सिफेरर्स ऑफ इंडिया या कामगार संघटनेच्या वतीने मस्जिद बंदर येथील सिमेंनस् हॉस्टेलच्या आगाशीवर नाविक कामगारांचा ६ नोव्हेंबर  २०२४ रोजी एकता दिन संपन्न झाला. ऑल इंडिया रेल्वेमेन्स फेडरेशनचे जनरल सेक्रेटरी शिव गोपाल मिश्रा यांनी  प्रमुख पाहुणे म्हणून आपल्या मार्गदर्शनपर भाषणात सांगितले की, कामगारांच्या अधिकाराचे रक्षण केले पाहिजे. कामगारांच्या हक्कासाठी योग्यवेळी लढावे देखील लागते.  सद्य परिस्थितीत कामगार  चळवळी समोर अनेक आव्हाने आहेत,  त्यासाठी सर्व कामगार संघटनांनी एकजुटीने लढा द्यावा लागेल.  भारतीय अर्थव्यवस्थेत नाविकांचे फार मोठे योगदान आहे.  नाविक  कामगार व कुटुंबीयांसाठी नुसिने अनेक कल्याणकारी योजना  राबविल्या आहेत, त्याबद्दल त्यांचे मनःपूर्वक अभिनंदन. नाविक कामगारांना केव्हाही रेल्वे रिझर्वेशनची गरज लागल्यास  मला किंवा मिलिंद कांदळगावकर यांना संपर्क साधा,  आपले काम होईल . असे आश्वासन शिव गोपाल मिश्रा यांनी दिले. नुसीचे जनरल सेक्रेटरी मि...

जागतिक आरोग्य संघटनेचे निकष केराच्या टोपलीत मुंबई / रमेश औताडे प्रत्येक नागरिकास योग्य आरोग्य सुविधा मिळावी असे जागतिक आरोग्य संघटनेचे निकष आहेत. मात्र मुंबई महानगरपालिका व राज्य शासन यांनी मुंबईकरांच्या आरोग्याची काळजी घेताना जागतिक आरोग्य संघटनेचे निकष केराच्या टोपलीत टाकले असल्याने मुंबईकरांचे आरोग्य कसे खराब केले आहे याबाबतचा एक अहवाल प्रजा फाऊंडेशनने गुरुवारी मुंबई प्रेस क्लब येथे आयोजित पत्रकार परिषदेत प्रसिद्ध केला. 2018-19 ते 2024-25 या सात वर्षांत बृहन्मुंबई महानगरपालिकेचे आरोग्याचे बजेट रू. 3,637 कोटी वरून रू. 7,191 कोटी झाले आहे. गेल्या दशकात मुंबई महानगरपालिका दवाखान्यातील आरोग्य कर्मचा-‌यांची कमतरता तिप्पट झाल्याचे आढळून आले आहे. दर 15000 लोकसंख्येमागे एक दवाखाना पाहिजे असा शहरी आणि प्रादेशिक विकास योजना आखणी आणि अंमलबजावणी (URDPFI) दंडक असून 2023 पर्यंत त्याची पूर्तता मुंबईतील एकाही वॉर्डमध्ये झालेली नाही असे या अहवालात स्पष्ट केले आहे. डायरिया/अतिसार, टीबी, उच्च रक्तदाब, मधुमेह आणि डेंग्यू  हे आजार मधुमेह, श्वसनाचे गंभीर आजार, टीबी आणि उच्च रक्तदाब...

लेखक अशोकराव टाव्हरे यांच्या दोन्ही पुस्तकाचे  नितीन गडकरी कडून कौतुक  मुंबई / रमेश औताडे  लेखक अशोकराव टाव्हरे यांच्या " विकासाचा राजमार्ग" या पुस्तकाच्या तिसरी आवृत्तीचे व " हायवे ऑफ डेव्हलपमेंट" या पुस्तकाच्या दुसऱ्या आवृत्तीचे लवकरच मुंबई येथे प्रकाशन होणार आहे. भारताचे भुपृष्ठ वाहतुक मंत्री नितीन गडकरी यांनी दोन्ही पुस्तकासाठी शुभसंदेश पत्र पाठवत कौतुक केले आहे. रस्ते विकास व महामार्ग खात्याचे कामकाज सामान्य जनतेपर्यंत पोहचविण्यासाठी या दोन्ही पुस्तकांचा फायदा झाला असल्याने लेखक अशोकराव टाव्हरे यांचे गडकरी यांनी कौतुक केले आहे. गडकरी यांचे राष्ट्रीय स्वयंसेवक संघ, भाजयुमो, विधानपरिषद आमदार, महाराष्ट्राचे सार्वजनिक बांधकाम मंत्री, विधानपरिषदेचे विरोधी पक्षनेते, भाजपचे प्रदेशाध्यक्ष ते राष्ट्रीय अध्यक्ष, केंद्रीय मंत्री हा प्रवास पुस्तकातून वाचकांपुढे टाव्हरे यांनी आणला आहे. नवीन आवृत्तींमध्ये सन २०२१ ते २०२४ मधील कार्याचा अंतर्भाव केला आहे. तसेच ऑनलाईन आवृत्तीही प्रकाशित करणार असल्याचे टाव्हरे यांनी सांगितले. नवीन आवत्तींमुळे जनतेला संबंधित विषयाच्या...

महात्मा बाब आणि महात्मा बहाऊल्लाह यांचा जन्मदिन मुंबई / रमेश औताडे जगाला शांतीचा संदेश देणाऱ्या व बहाई धर्मियांचे श्रध्दास्थान असलेल्या महात्मा बाब आणि महात्मा बहाऊल्लाह यांचा जन्मदिन नुकताच मुंबईत मरीन लाइन्स येथील बहाई सेंटर येथे मोठ्या उत्साहात संपन्न झाला. यावेळी बहाई समाजाचे लहान मोठे उपस्थित होते. बहाई सेंटर च्या सेक्रेटरी नर्गिस गौर, ताहिरी गौर, मक्खीजा, झिया ईशराघी, चंद्रकांत बुटले, म्हावाश रोहानी, जया पुत्तरन यांनी देखील सामाजिक एकता, शांति, बंधुत्व, समता, धार्मिक विश्वास याबाबत आपले विचार व्यक्त केले.   हा समाज लोकसंख्येच्या तुलनेत अल्पसंख्याक असल्याने केंद्र सरकारची मान्यता व अल्पसंख्याक दर्जा मिळाला नाही. तो मिळावा तसेच दफन भुमिसाठी जागा मिळावी. समाज केंद्र बांधण्यासाठी महाराष्ट्र शासनाने जागा उपलब्ध करून द्यावी अशी मागणी सेक्रेटरी नर्गिस गौर यांनी यावेळी केली.

आठवलेंनी केली आंबेडकरांच्या  प्रकृतीची चौकशी  मुंबई / रमेश औताडे  रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले यांनी सोमवारी वंचित बहुजन आघाडी चे अध्यक्ष  प्रकाश अंबेडकर यांच्या प्रकृतीची  दूरध्वनीद्वारे चौकशी केली.  प्रकाश अंबेडकर यांना पुण्यातील रुग्णालयातुन  डिस्चार्ज देण्यात आला आहे.आता त्यांची प्रकृती स्थिर असल्याची  माहिती त्यांच्या पत्नी अंजलिताई प्रकाश आंबेडकर यांनी ना.रामदास आठवले यांना दिली. पुण्यात जाऊन  लवकरच आपण प्रकाश अंबेडकर यांची भेट घेणार असल्याचे ना.रामदास आठवले यांनी अंजलीताई अंबेडकर यांना सांगितले. महामानव डॉ बाबासाहेब आंबेडकर यांचे नातू आणि आंबेडकरी चळवळीचे ज्येष्ठ नेते ऍड.प्रकाश आंबेडकर  यांची प्रकृती अस्वस्थ असल्याने त्यांना रुग्णालयात दाखल केल्याची माहिती मिळाल्यानंतर ना. रामदास आठवले यांनी अत्यंत काळजीने प्रकाश आंबेडकर यांच्या प्रकृतीची चौकशी दूरध्वनी द्वारे केली. आता अँड.प्रकाश आंबेडकर यांची प्रकृती स्थिर आहे.त्यांची अँजीयोप्लास्टी  करण्यात आली असून आता ...

कल्याण पश्चिमेत भाजपाची बंडखोरी कायम काँग्रेस बंडखोराच्या माघारीमुळे सचिन बासरेंचे पारडे जड मुंबई / रमेश औताडे  कल्याण पश्चिम विधानसभा निवडणुकीच्या रिंगणातून काँग्रेसचे नेते राजाभाऊ पातकर यांनी माघार घेतल्याने महाविकास आघाडीची ताकद वाढली असतानाच भाजपाचे शहर अध्यक्ष वरूण पाटील यांनी आपली बंडखोरी कायम ठेवल्याने महायुतीला त्याचा आगामी निवडणुकीत मतविभाजनाचा मोठा फटका बसू शकतो. आज अर्ज मागे घेण्याची मुदत संपली तेव्हा माजी आमदार नरेंद्र पवार यांनीही माघार घेतली. यामुळे आता कल्याण पश्चिम विधानसभेत महायुतीचे उमेदवार विद्यमान आमदार विश्वनाथ भोईर, महाविकास आघाडीचे उमेदवार सचिन बासरे, मनसेचे उमेदवार उल्हास भोईर आणि भाजपा बंडखोर वरूण पाटील यांच्यात चौरंगी लढत पाहायला मिळणार आहे.   विधानसभा निवडणुकीसाठी अर्ज मागे घेण्याची आज दुपारी 3 वाजेपर्यंतची वेळ होती. त्यामुळे भाजपचे माजी आमदार नरेंद्र पवार आणि विद्यमान शहराध्यक्ष वरुण पाटील हे दोघेही काय भूमिका घेतात याकडे लक्ष लागले होते. कल्याण पश्चिम विधानसभा मतदारसंघामध्ये शिवसेना भाजप राष्ट्रवादी महायुतीचे अधिकृत उमेदवार म्हणून ...

मला लक्ष करून अराजक माजवण्याचा जागतिक कट - महंत श्री रामगिरी महाराज मुंबई / रमेश औताडे  माझ्या वक्तव्याचा विपर्यास करून अराजक मजविण्याचा जागतिक कट होता. मला कोणत्याही धर्माला, जातीला, पंथाला दुखवायचे नव्हते. आमच्या अखंड हरिनाम सप्ताहात मुस्लिम समाजाचा अध्यक्ष होता. मुस्लिम समाजाच्या पंगती उठत होत्या. त्यामुळे मी सर्व समाजाला घेऊन जात आहे. जे ग्रंथात लिहिले आहे तेच मी वक्तव्य केले. त्यामुळे माफी मागण्याचा प्रश्नच येत नाही. अशी माहिती महंत श्री रामगिरी महाराज यांनी सोमवारी मुंबई प्रेस क्लब येथे आयोजित पत्रकार परिषदेत दिली. यावेळी माजी पोलीस आयुक्त व खासदार सत्यपाल सिंह उपस्थित होते. राष्ट्रीय पातळीवरील यंत्रणेकडून सखोल तपास करून कारस्थान रचणाऱ्या धर्माध देशद्रोही आणि सत्तालोलुप राजकारण्यांच्या विरोधात कडक कारवाईची मागणी सत्यपाल सिंह यांनी यावेळी केली. रामगिरी महाराज यांना जिहादच्या नावाखाली लक्ष करून अराजक माजवण्याचा जागतिक पातळीवर कट रचला गेला होता आणि त्यात परकीय शक्तींबरोबरच देशातील धर्माध शक्ती आणि सत्तेच्या हव्यासाने पछाडलेले राजकीय पक्ष सहभागी होते. असा खुलासा भोपाळ...