रेहान मेमन यांच्याकडून अनधिकृत कृत्याचे पालिकेला निवेदन

मुंबई  / पी आर न्यूज मिडिया नेटवर्क 

मुंबई महानगरपालिका हद्दीतील काही भागांमध्ये सुरू असलेल्या कथित अनधिकृत बांधकामे आणि परवानगीविना चालणाऱ्या व्यावसायिक आस्थापनांबाबत संबंधित यंत्रणांनी चौकशी करून आवश्यक ती कारवाई करावी, अशी मागणी भाजप अल्पसंख्याक आघाडीचे राज्य सचिव रेहान मेमन यांनी केली आहे.

यासंदर्भात त्यांनी मुंबई महानगरपालिकेच्या पूर्व विभागातील संबंधित अधिकाऱ्यांना निवेदन दिल्याचे सांगितले आहे. मेमन यांनी आपल्या निवेदनात काही ठिकाणी नियमांचे उल्लंघन होत असल्याचा आरोप केला असून, संबंधित प्रकरणांची सखोल चौकशी करण्यात यावी, अशी मागणी केली आहे.

तसेच, महानगरपालिका प्रशासनाने अनधिकृत बांधकामे अथवा परवानगीविना सुरू असलेल्या व्यवसायांबाबत प्राप्त होणाऱ्या तक्रारींची निष्पक्ष चौकशी करून कायद्यानुसार योग्य ती कार्यवाही करावी, असेही त्यांनी नमूद केले आहे.

दरम्यान, या आरोपांबाबत महानगरपालिका प्रशासनाची अधिकृत भूमिका अद्याप समोर आलेली नाही. संबंधित विभागाकडून याबाबत प्रतिक्रिया मिळाल्यानंतर ती प्रसिद्ध करण्यात येईल.