शिवसेना मध्यवर्ती कार्यालयात शिक्षक-शिक्षकेत्तर सेनेची महत्वपूर्ण बैठक संपन्न;
शिवसेना मध्यवर्ती कार्यालयात शिक्षक-शिक्षकेत्तर सेनेची महत्वपूर्ण बैठक संपन्न;
विधानपरिषद निवडणुकीवर लक्ष!
मुंबई / रमेश औताडे ( मंत्रालय प्रतिनिधी )
शिवसेना मध्यवर्ती कार्यालय 'बाळासाहेब भवन' येथे महाराष्ट्र राज्य शिक्षक व शिक्षकेत्तर सेनेची एक महत्वपूर्ण बैठक नुकतीच पार पडली. या बैठकीत शिक्षक-शिक्षकेत्तर कर्मचाऱ्यांच्या विविध विषयांवर चर्चा झाली, तसेच आगामी राजकीय रणनितीवरही विचारमंथन झाले.
प्रमुख उपस्थिती व मार्गदर्शन
बैठकीला संघटनेचे राज्याध्यक्ष मा. आमदार किशोरजी दराडे, शिवसेना पक्ष सरचिटणीस मा. संजयजी मोरे, आणि पक्ष कार्यालय प्रमुख प्रशांतजी पालांडे साहेब यांनी मार्गदर्शन केले. त्यांनी संघटनेच्या कार्याचा आढावा घेतला आणि भविष्यातील दिशा स्पष्ट केली.
महत्वाचे ठळक निर्णय व चर्चा
* विधानपरिषद निवडणूक: राज्यात लवकरच होऊ घातलेल्या विधानपरिषद निवडणुकीत शिवसेना पूर्ण ताकदीने उतरेल.
* रणनीती बैठक:
शिवसेना पक्षप्रमुख तथा महाराष्ट्र राज्याचे उपमुख्यमंत्री मा. ना. एकनाथजी शिंदे साहेब यांच्यासोबत लवकरच एक बैठक घेऊन पुढील निवडणुकीची रणनिती निश्चित केली जाईल.
* विभागीय विंग्सची निर्मिती:
सर्व स्तरातील शिक्षक व शिक्षकेत्तर बांधवांना सोबत घेऊन काम करण्यासाठी संघटनेत वेगवेगळ्या विंग्ज (Wings) निर्माण करण्यात येणार असल्याचे ठरले.
* कार्यकारिणींची घोषणा:
पुढील बैठकीपूर्वी पक्षाच्या धोरणानुसार आणि संघटनेच्या घटनेप्रमाणे विभागीय कार्यकारिणी व जिल्हा कार्यकारिणी ठरवून घोषित करण्यात येईल. त्याअनुषंगाने सर्वांनी काम करण्याचे निर्देश यावेळी देण्यात आले.
* अमरावती मतदार नोंदणी समन्वयक:
आजच्या बैठकीत अमरावती विभागीय शिक्षक मतदार संघासाठी मतदार नोंदणी समन्वयक म्हणून श्री. उपेंद्र पाटील यांची नियुक्ती करण्यात आली.
पदाधिकाऱ्यांची उपस्थिती
या बैठकीला नाशिक विभागातून शिक्षक व शिक्षकेत्तर सेनेचे राज्य उपाध्यक्ष तथा मराठवाडा पदवीधर मतदार नोंदणी प्रमुख डॅा. संजयराव तायडेपाटील, राज्य उपाध्यक्ष प्रो. संजय चव्हाण, राज्यउपाध्यक्ष संभाजी सिरसाठ, राज्यसरचिटणीस शिवाजी शेंडगे, कोषाध्यक्ष श्री. वेखंडे, मेस्टा राज्यउपाध्यक्ष अभिजीत देशमुख, नवनिर्वाचित मराठवाडा कार्याध्यक्ष प्रा. रविंद्र निळ, संभाजीनगर शहराध्यक्ष प्रा. रविंद्र खोडाळ यांसह अनेक महत्वाचे पदाधिकारी व शिक्षकनेते उपस्थित होते.
मंत्र्यांच्या भेटी
बैठकीनंतर संघटनेच्या पदाधिकाऱ्यांनी राज्याचे उद्योग मंत्री मा. ना. उदय सामंत, राज्याचे आरोग्य व कुटुंब कल्याण मंत्री मा. ना. श्री. अबीटकर साहेब आणि राज्याचे शिक्षणमंत्री मा. ना. दादा भुसे यांची भेट घेतली व विविध विषयांवर सविस्तर चर्चा केली.
एकंदरीत, ही बैठक संघटनात्मक बांधणी आणि आगामी विधानपरिषद निवडणुकीच्या पार्श्वभूमीवर अत्यंत महत्त्वाची ठरली,
ज्यामुळे राज्यातील शिक्षक-शिक्षकेत्तर कर्मचाऱ्यांच्या प्रश्नांना अधिक प्रभावीपणे वाचा फोडण्याची शिवसेनेची तयारी स्पष्ट झाली.
Comments
Post a Comment