जगभरातील बहाईं समाजासाठी आध्यात्मिक चिंतनाचा काळ

     जगभरातील बहाईं समाजासाठी आध्यात्मिक चिंतनाचा काळ

मुंबई / रमेश औताडे 

मुंबईसह संपूर्ण जगभरातील बहाई समाज आनंदाने 'रिदवान' हा उत्सव साजरा करत आहे. हा १२ दिवसांचा सण आहे जो बहाई धर्मसंस्थापक भगवान बहाउल्लाह यांना या युगासाठी ईश्वराचा संदेशवाहक घोषित करण्यात आल्याच्या आठवणी प्रित्यर्थ साजरा केला जातो. ही घटना बहाई प्रशासनाच्या युगाची सुरुवात दर्शवते.

रिदवान सणादरम्यान, बहाई भगवान बहाउल्लाह यांचा संदेश आणि आधुनिक समाजातील त्याच्या महत्त्वावर चिंतन केले जाते. भगवान बहाउल्लाह म्हणाले होते, “पृथ्वी ही फक्त एक देश आहे आणि मानवजात त्याचे नागरिक.” या विचारामुळे आजच्या जगाला प्रेम, एकता, करूणा आणि सहकार्याचे महत्त्व समजते.

मुंबईतील बहाईंसाठी हा काळ साजरा करण्यासाठी एकत्र येणे, प्रार्थना करणे, ईश्वराचे स्तुतिगान करणे आणि पवित्र ग्रंथांचे वाचन याचे आयोजन केले जाते. हा कार्यक्रम स्थानिक आध्यात्मिक सभेच्या निवड प्रक्रियेच्या पार्श्वभूमीवर होतो, ज्यात २१ वर्षांवरील पात्र सदस्य स्थानिक आध्यात्मिक सभेचे प्रतिनिधी निवडतात. ही सभा समाजासाठी मार्गदर्शन आणि सेवा करण्यासाठी एक प्रमुख संस्था आहे.

बहाई शिकवणीनुसार, “स्थानिक आध्यात्मिक सभा ही संस्थात्मक आध्यात्मिकतेच्या मूलतत्त्वांचा आधार आहे.” पारदर्शक आणि सामूहिक निर्णय प्रक्रियेमुळे ही सभा बहाई जीवनशैली आणि प्रशासनाची ओळख ठरते. अशी माहिती नर्गिस गोरे यांनी दिली.